नेइमार फ्रेन्च क्लब छोडेर पुनः बार्सिलोनामा जोडिने मनसायमा रहेको बताइएको छ । २७ वर्षका नेइमारले पेरिस सेन्ट जेर्मन (पिएसजी) का अध्यक्षलाई आफू क्लबबाट बाहिरिन चाहेको बताएको विभिन्न पत्रपत्रिकामा खबर छापिएका छन् ।यसैबिच उनी बार्सिलोना नै फर्किन चाहेको पनि उल्लेख गरिएको छ । स्पोर्टस पत्रिकाका अनुसार नेइमारले बार्सिलोना फर्किने प्रयास गरिरहेको उल्लेख गरेका छन् ।

नेइमारका लागि बार्सिलोना जस्तो उत्कृष्ट टिम र बार्सिलोनाका लागि नेइमार जस्तो उत्कृष्ट खेलाडीको विकल्प नरहेको उनका एक साथीले बताएको स्पोर्टसले उल्लेख गरेको छ ।

नेइमार अहिले बार्सिलोना छोडेर आफूले गल्ती गरेको स्वीकार गर्ने अवस्थामा पुगेको बताइन्छ । यस्तै लियोनल मेस्सीसँगको साथ तथा बार्सिलोनाको विश्वव्यापी इमेजका कारण नेइमार पुनः क्लब फर्किन चाहेको उल्लेख छ ।

त्यो भन्दा पनि ठूलो कुरा नेइमार पुनः खुशी हुन चाहेको र त्यो बार्सिलोनामा सम्भव रहेको बताइन्छ ।

प्रतिकृया दिनुहोस

सम्बन्धित समाचार