एउटै रंगका / एउटै कम्पनीका

साना ठूला केही गाडीहरू

झरिरहेछन् दछिणी ओरालो

जुन उकालो चढेका थिए

यिनीहरू

आक्रामक सिपाई झै हिजो

आज हरूवा सिपाही झैं

स्खलित दिमाग बाेकेर

झरिरहेछन् ओरालो दछिणतिर !

गाडीभित्र तीन खालका यात्री

छन्

जानीबुझी दछिण हिडेका

जबर्जस्ती कोचिएका

कहॉ जादै छु थाहाँ नपाएका !

पहिलो थरि मदमस्त छन्

भन्दै छन्-

हाम्रो सानो दुखले फर्काइएको

हैन

यो गाडी दछिणतिर !

दोश्रो थरि

भरपर्दो उद्धारकर्ताको लागि

गरिरहेछन् याचना

तेश्रो थरि

अशुभ असहज

मानिरहेछन्

इन्द्रियानुभूतिबाट

अर्को अनुभूति गर्ने शक्ति पुगेको

छैन !

कैले सिधै कैले घुमाउरो गर्दै

झरिरहेछ यो यात्रा दछिणतिर

आधा दर्जन समरुपी वाहनसहित !

बाटाका दुवै किनारमा मान्छेहरू

छन्

दायॉ किनारमा

जयनाम संकिर्तन गर्नेहरूको

पंक्ति छ

हरेक पछिल्ला विसौनीहरुमा

अझ ठूलो स्वागत चलिरहेछ !

वायॉ किनारमा पनि छन्

मान्छेहरू

आफ्ना अपहरित मान्छेहरुको

उद्धारको निम्ति गुनासो

गरिरहेका

आफ्ना सपनाको मृत्युमा

मौन धारणको तयारी गरिरहेका

नि:शव्द मौन धारण छ एकातिर

अर्को तिर विजयोल्लासको रौनक

छ !

वियोगान्त तर आत्म सम्मानको

यात्रा

तथाकथित संयोगान्त स्खलन

पछि

भयानक प्रहसन सहित

झरिरहेछ दछिणी ओरालो

समरुपका आधा दर्जन

दछिणी यातायात बाेकेर !

गाडीभित्र

घन्कन छोडेर “उठ जाग ” को

सामुहिक स्वर

बजिरहेको छ छमक छल्लो

तम्तमाइलो मन लगाएर

गाडीकै झ्यालबाट बाहिर हेर्दै

सोचमग्न हुँदैछु

आफूले तत्काल लिनु पर्ने निर्णय

बारे !

८ जुन २०१५

प्रतिकृया दिनुहोस

सम्बन्धित समाचार