लोकान्तरसँगको संक्षिप्त कुराकानीमा कोइरालाले भने, ‘खासमा म बालेनलाई समर्थन गर्न त्यहाँ पुगेको थिएँ, मेरो कुनै इन्टेन्सन थिएन ।’

कोइरालाका अनुसार उनी काठमाडौंको तीनकुनेस्थित पेन्टागन कलेज पढ्दादेखि नै बालेनको गतिविधि र उनले गाएका र्‍यापसँग परिचित थिए । ‘म कलेज पढ्दादेखि नै बालेनसँग प्रभावित थिएँ, काठमाडौंको मेयर भएपछि त झन उनले गरेका राम्रा काम नियाल्ने मौका पाएँ,’ कोइरालाले भने, ‘बालेन कैलाली आउने थाहा पाएपछि म साथीको कारमा बसेर सनरुफ कारमा बसेर हात हल्लाउँदै भीडमा पुगेँ, धेरै झुक्किनु पनि भयो ।’

कोइराला बालेनसँग भेट्न र हात मिलाउन कैलाली पुगेका थिए । तर, उनको त्यो सपना पूरा हुन पाएन । ‘म बालेनलाई

भेट्न र हात मिलाउन गएको थिएँ, तर उनीसँग भेट्न पाइएन,’ उनले लोकान्तरसँग भने, ‘जे भए पनि बालेनको समर्थक भएर नै मैले यस्तो गरेको थिएँ, मलाई कतैबाट पनि तैँले गलत गरिस् भन्ने गुनासो आएको छैन ।’

कोइरालाले बालेनको राम्रा कामलाई मात्रै आफूले पच्छाउँदै गएको बताए । बालेनको जस्तो लुक्स बनाउन कति समय लाग्यो भन्ने प्रश्नमा कोइरालाले भने, ‘म पहिलादेखि नै चस्मा र टोपी लगाएर हिँड्थे, दाह्री पनि पालेकै थिएँ, बालेन जस्तो देखिन मैले त्यस्तो रुप धारण गरेको होइन ।’