२०८२ माघ १९ गते

काठमाडौँ । सिन्धुलीमा स्वतन्त्र उम्मेदवार रहेका पत्रकार, नेकपाका नेता महेश्वर दाहालले पार्टी नेतृत्वप्रति गम्भीर कटाक्ष गरेका छन् । उनले नेकपाका संयोजक पुष्पकमल दाहाल प्रचण्डलाई भनेका छन्, ‘स्वाभिमानको सपना देखाएर जसलाई पछि लगाए, उनीहरु शहीद भए, आज शहीदका पुत्र चुनाव उठिरहँदा आफैँ उठेर हराउन लागेका छन् ।’

सोमबार बिहानै उनले सामाजिक सञ्जालमा लेखेका छन्, ‘पूर्वी रुकुममा शहीद पुत्र सन्दीपकै विरुद्ध प्रचण्ड उठ्नु प्रचण्डकै सपनामा लागेर शहीद भएका सन्दीप पुनका आमाबुबाको सपनाविरुद्ध हो ।’

उनले लेखेका छन्, ‘प्रचण्डले हिजो स्वाभिमानको झण्डा उठाउँदा मेरा बाआमा, म र सिंगो परिवार सँगै हिँड्यौँ । मुक्ति कि मृत्युको कसम खायौँ । संयोगले बाँच्यौँ । आज हामी नाफाको जीवन बाँचिरहेका छौँ ।’