उद्यमशीलता, व्यवस्थापन र व्यक्तिगत विकासलाई व्यावहारिक निर्णयसँग जोड्दै इन्जिनियर तथा व्यवस्थापन पृष्ठभूमिका लेखक सैलेश आचार्यले ‘शब्दले संसार बदल्छ’ पुस्तक सार्वजनिक गरेका छन् । शिखा बुक्सद्वारा प्रकाशित पुस्तकले सीमित स्रोतसाधनबीच व्यवसाय सञ्चालन, आर्थिक दबाब व्यवस्थापन, नेतृत्व विकास र कार्यक्षमता अभिवृद्धिका विषय समेटेको छ ।

पुस्तकले उद्यमशीलता भनेको व्यवसाय सुरु गर्नु मात्र नभई असफलताबाट सिक्ने, उपलब्ध स्रोतको प्रभावकारी उपयोग गर्ने र काम विस्तार हुँदै जाँदा व्यवस्थापकीय शैली परिवर्तन गर्न सक्ने क्षमता पनि भएको सन्देश दिएको छ । यसले विशेषगरी साना तथा नयाँ उद्यमीका लागि कामको चाप व्यवस्थापन, सहकर्मीमाथि विश्वास र संस्थागत निर्णय क्षमताको विकासलाई महत्त्व दिइएको छ ।