शान्ति प्रक्रियामाका सबै काम पूरा गर्ने, तीनवटै निर्वाचनमा संँगै लड्ने र वातावरण बनेपछि एमाले र माओवादी केन्द्रबीच पार्टी एकता गर्ने सहमतिको कार्यान्वयन गर्ने बेलामा प्रचण्डले भारतको कुरा सुनेर ठूलो धोका दिएको भन्दै नारायणकाजी श्रेष्ठ प्रचण्डसँग आगो भएका छन् ।
‘जसले हरियो घाँस देखायो त्यतैतिर बहकने विवेकहीन पशुजस्तो हाम्रो अध्यक्ष हुँदा वाम एकता, सामाजिक न्याय र रुपान्तरणको मुद्धा पछि पर्यो, बन्दुक बोक्नेको जमात ठूलो भएपनि विवेकले चल्ने असाध्यै थोरै भए, भ्रष्ट, पदलोलुप, दास मनोवृतिका धेरै भए ।’ नारायणकाजी श्रेष्ठले पत्रकारहरुसँगको अनौपचारिक कुराकानीमा पार्टी नेतृत्व र पार्टीप्रति असन्तुष्टि राख्दै भन्ने गरेका छन् ।
‘अब एमाले राष्ट्रवादी हुने र माओवादीहरु होइन बाबा भनेर खण्डन गर्नुपर्ने अवस्था किन आयो ? एमाले राष्ट्रवादी बन्ने प्रक्रियामा छ । विगतको गल्ती सच्चाउँदैछ, अनि माओवादी केन्द्र चाँहि पुरानो एमालेको ठाउँमा जाने ?’ नारायणकाजीले प्रश्न गर्ने गरेका छन् ।
नारायणकाजीको व्यवहारिक लाइनमा हिडेको भए माओवादी केन्द्र र पुष्पकमल दाहाल यो संकटको भुमरीमा नफस्ने उनका निकट रहेकाहरुले अहिले खुलेर भन्न थालेकf छन् ।
साँघुबाट ।
