नेपाल कम्युनिस्ट पार्टीका महासचिव नेत्र विक्रम चन्द विप्लवले मंगलबार देशका चार स्थानमा भएका शान्तिपूर्ण विशाल जनसभामा प्रचण्ड विमलेन्द्र सरकारले गरेको हस्तक्षेपको कडा रुपमा भत्र्सना गरेका छन् ।
आफ्नो शान्तिपूर्ण कार्यक्रममाथि प्रहरीले दमन नरोके त्यसको परिणाम गंभीर हुने र त्यसको भागिदार प्रचण्ड विमलेन्द्र सरकार हुने महासचिव विप्लवको भनाई छ ।
देशका चार स्थानमा पार्टीको शान्तिपूर्ण कार्यक्रममा प्रहरी हस्तक्षेपपछि महासचिव विप्लवको यस्तो कडा भनाई आएको हो ।
कंचनपुर, बुटवल, जनकपुर र विराटनगरमा आज मंगलबार कम्युनिस्ट पार्टीले स्थानीय निर्वाचनको खारेजी अभियानअन्तर्गत शान्तिपूर्ण जनसभा आयोजना गरेको थियो । ती सभामा प्रचण्ड विमलेन्द्र सरकारको ठाडो निर्देशनमा हस्तक्षेप गरिएको थियो ।
महासचिव विप्लवले राजनीतिक स्वतन्त्रता र लोकतन्त्रको दुहाई दिने संसदीय दलको नेताहरुले गरेको यस्तो दमनकारी हस्तक्षेपको कडा रुपमा विरोध गरेका छन् ।
‘संसदवादी दलहरुले राजनैतिक स्वतन्त्रता र प्रजातन्त्रको नारा दिनरात भट्याइरहन्छन् त्यसमा पनि प्रचण्डको सरकार छ । विडम्वना ! उनीहरुले नै भन्ने गरेको राजनैतिक स्वतन्त्रताको खिल्ली उडाउँदै यस्तो हस्तक्षेप र दमन गरिएको छ ।’ महासचिव विप्लवद्धारा जारी विज्ञेप्तीमा भनिएकाे छ- ‘प्रचण्ड,विमलेन्द्र प्रशासनको यो लज्जाजनक हस्तक्षेपको हामी घोर भत्र्सना गर्दछौं साथै कार्यक्रमहरुमा
भइरहेको दमन र हस्तक्षेप बन्द गर्न आग्रह गर्दछौं ।’
महासचिव विप्लवले प्रचण्ड विमलेन्द्र सरकारको निर्देशनमा प्रहरी हस्तक्षेप गरिएपनि आफ्नो कार्यक्रम नरोकिने बताएका छन् ।
महासचिव विप्लवद्धारी विज्ञेप्तीको पूरा पाठ :
आज देशका चार स्थान (कञ्चनपुर, बुटवल, जनकपुर र विराटनगर) मा जनजागरण सभा आयोजना गरिएकोथियो । आश्चार्यको कुरा शान्तिपूर्ण जनजागरण सभामा लाज पचाएर प्रचण्ड सरकारले सबैतिर प्रहरी हस्तक्षेप गरेको छ भने ललितपुर, काठमाडौं, बाग्लुङलगायत देशभरि जागरण अभियानमा हिंडेका नेता कार्यकर्तालाई गिरफ्तार गरेको छ । प्रचण्ड, विमलेन्द्र प्रशासनको यो लज्जाजनक हस्तक्षेपको हामी घोर भत्र्सना गर्दछौं साथै कार्यक्रमहरुमा भइरहेको दमन र हस्तक्षेप बन्द गर्न आग्रह गर्दछौं ।
संसदवादी दलहरुले राजनैतिक स्वतन्त्रता र प्रजातन्त्रको नारा दिनरात भट्याइरहन्छन्त्यसमा पनि प्रचण्डको सरकार छ । विडम्वना ! उनीहरुले नै भन्ने गरेको राजनैतिक स्वतन्त्रताको खिल्ली उडाउँदै यस्तो हस्तक्षेप र दमन गरिएको छ । यो हस्तक्षेपले हाम्रो पार्टीले
भनिरहेको नेपालमा जनताको राज्य व्यवस्था छैन । यहाँ प्रतिगमन र प्रतिक्रान्ति भएको छ भन्ने सत्यलाई नै प्रमाणित गरेको छ ।हामी प्रचण्ड–विमलेन्द्र सरकारलाई जानकारी र चेतावनी दिन चाहन्छौं कि हाम्रो अभियान वैशाख महिनाभरि जनजागरण सभा, प्रदर्शन, जुलुस, प्रचारप्रसार चलिरहने छ, यो अभियान कुनै पनि प्रहरी हस्तक्षेपद्वारा रोकिने छैन । हामी चाहन्छौं राजनैतिक कार्यक्रमहरु गर्ने
सहज वातावरण बनाइयोस्, राज्यले चालेका सबै दमन र हस्तक्षेपहरु बन्द गरियोस् अन्यथा सरकारको दमनका कारण पैदा हुने परिणामको जिम्मेवार प्रचण्ड–विलेन्द्र नैहुनु पर्नेछ ।अन्त्यमा हाम्रा सबै क्रान्तिकारी कमरेडहरुलाई राज्य दमनको कुनै प्रवाह नगरी प्रतिक्रियावादी संसदीय व्यवस्थाको चुनाव खारेज तथा जनजागरण अभियानमा दृढतापूर्वक अगाडि बढ्न अपिल गर्दछौं । हामीलाई दमन र आतंकको कुनै प्रवाह छैन । हामीलाई जनताको
अधिकार, देशको स्वाधीनता, शान्ति र समृद्धिको चिन्ता र दायित्व छ । हामीले त्यसलाई पूरा गरिछाड्नु पर्छ ।२०७४ वैशाख ५
… … … …
विप्लव
महासिचिव
