नेपाल कम्युनिस्ट पार्टीले एकीकृत जनजागरण तथा प्रतिराेध अभियान अन्तर्गत रोल्पाको थवाङ, गाम, घर्तीगाउँ, माडीचाैरलगायत दर्जनाैं क्षेत्रमा अाइतबार घरदैलाे अभियान चलाइरहेको छ ।
अभियानमा स्थानीयहरुको सहभागिता उत्साहजनक देखिएको छ । “कथित स्थानीय चुनाव खारेज गराैं, शान्ति, समानता, स्वाधीनता र समृद्धिका लागि बैज्ञानिक समाजवाद स्थापना गराैं”भन्ने नारासहित जिल्ला स्तरीय नेता-कार्यकर्ताहरु यतिबेला गाउँ-गाउँमा सास्कृतिक टोलीसहित अभियानमा खटेका छन् ।
ठाउँ- ठाउँ प्रहरीको अवरोधका बाबजुद पनि रोल्पालीहरु उत्साहपुर्वक चुनाव खारेज अभियानमा खटिएको जिल्ला सेक्रेटेरी जागृतिले बताए । अभियानमा राष्ट्रिय युवा जनस्वयंसेवकको टाेली, जलजला र सामना सांस्कृतिक परिवारको टाेली पनि सम्मिलित छ ।
जनपक्षीय गीत र संगीतमार्फत चुनाव खारेजीका लागि जनकलाकारहरुले अपिल गरिरहेका छन् । जागृतिका अनुसार जिल्लाका सबै क्षेत्रमा २ दर्जनबढि टाेली खटिसकेको छ ।सबै टाेली पालैपालाे माअाेवादी अान्दाेलनको केन्द्र मानिने थवाङमा सबै जनता सहभागी भएर घरदैलाे कार्यक्रम चलिरहेको छ ।
यसैबीच अभियानकै क्रममा जलजला सांस्कृतिक परिपारका संयाेवक हिमाललाई नृत्य देखाइरहेका बेला गिरफ्तार गरेको छ। बालकलाकार १२ वर्षीय राम पुनलाई सांस्कृतिक कार्यक्रममा नाँचिरहेका बेला प्रहरीले कुटपिट गरि पक्राउ गरेको छ ।रोल्पाको जैमकसलाबासी पुन र हिमाललाई लिवाङस्थित जिल्ला प्रहरी कार्यालयको हिरासतमा राखिएको छ ।
सेक्रेटरी जागृतिले एक विज्ञप्ति जारी गर्दै बालकलाई पक्राउ गर्ने प्रशासनको हर्कतले अाफै नाङ्गिएको भन्दै बालकलाकार र हिमाललाई तत्काल रिहा नगरे प्रतिराेध संघर्षलाई चर्काउने चेतावनी दिएका छन् ।
