दाेस्राे चरणकाे निर्वाचन नजिकिदै गर्दा निर्वाचनमा खडा भएका उम्मेदवारहरू असन्तुष्ट जनताकाे अाक्राेशकाे निशाना बनिरहेका छन् ।
यसै क्रममा कैलालीमा वाम गठबन्धनका उम्मेदवारको गाडीमा बिहीबार आगजनी भएको छ । बिहान साढे ३ बजेतिर अज्ञात समुहले निर्वाचन क्षेत्र नम्बर २ को (क) बाट प्रदेशसभाका उम्मेदवार रतन थापाको गाडीमा आगजनी गरेको हो ।
प्रहरीका अनुसार लम्की चुहा नगरपालिकामा रहेको थापाको घर पछाडि रहेको ग्यारेजमा राखिएको बा १६ च ६८९९ नम्बरको गाडीमा आगजनी भएको हो ।
त्यो गाडी थापाले चुनावी प्रचारका लागि प्रयोग गरिरहेका थिए । आगजनीमा संलग्नहरुको खोजी भइरहेको ईलाका प्रहरीले बताएकाे छ ।
