नयाँ शक्तिबाट थुप्रै नेता र कायकताहरु पार्टी छोडेर गएपछि बाबुरामले रबीन्द्र मिश्रको विवेकशिल साझासँग एकता गदैछन् ।
डा. बाबुराम भट्टराईले नेतृत्व गरेको नयाँ शक्ति पार्टी नेपाल र रवीन्द्र मिश्र संयोजक रहेको विवेकशील साझा पार्टीबीच पार्टी एकता हुने भएको छ ।
स्रोतका अनुसार उनीहरु छिट्टै पार्टी एकता गरी आगामी एक वर्षभित्र महाधिवेशन गर्ने रणनीतिमा छन् ।
भट्टराईले नेतृत्व गरेको नयाँ शक्ति र मिश्र संयोजक रहेको विवेकशील पार्टीले गत प्रदेश तथा प्रतिनिधि सभा निर्वाचनमा अपेक्षित नतिजा हात पार्न नसकेपछि नयाँ रणनीतिका साथ आगाडी बढ्ने तयारी थालेका छन् ।
स्रोतका अनुसार, चुनावमा अप्रत्यासित जित हासिल गरेपछी एमाले अधिनायकवाद तर्फ अग्रसर भएको आरोप भट्टराईले लगाएका छन् ।
भट्टराईको भनाई उदृत गर्दै श्रोतले भन्यो; एमालेले प्रतिपक्षलाई कुनैपनि भूमिकामा नराखी आगाडी बढ्न खोजेको छ त्यसैले हामी एकता गर्छौ र सदनमा नभएपनि सडकबाटै शसक्त प्रतिपक्षको भूमिका हुन्छौ ।
