गृहमन्त्री रामबहादुर थापाले सांसदमाथि भएको घटना राजनीतिक अपराधसँग जोडिएको प्रतिक्रिया दिएका छन् ।
नेपाली काँग्रेसकी सांसद निरु पालमाथि भएको घटनाप्रति सरकार सचेत रहेको भन्दै उक्त घटना राजनीतिक भएको बताएका हुन् । राजनीतिक अस्थिरता र देशको प्रगति नचाहनेहरुले यस्ता गतिविधि बढाउन थालेको गृहमन्त्री थापाको भनाई थियो ।
राज्यलाई उल्टाउन खोज्ने गतविधिहरुलाई निरुत्साहित गर्न सरकार अघि बढेको समेत मन्त्री थापाले बैठकलाई जानकारी दिए । यस्तै, कञ्चनपुरको भीमदत्त नगरपालिमा भएको घटनाको अनुसन्धान जारी रहेको र पीडित परिवारको जाहेरीका अधारमा दुई जनालाई नियन्त्रणमा लिई कर्तव्य ज्यान मुद्दा दायर गरिएको समेत मन्त्री थापाले सदनलाई जानकारी गराएका थिए ।
गृहमन्त्रीले सदनमा जवाफ दिनुपूर्व काँग्रेस साँसद निरुपालले वानेश्वरमा हिजो दिनदहाडै बन्दुक तेर्साएर धम्काइएको बारे सदनमा जानकारी गराएका थिए । । तर, गृहमन्त्री थापाले आफ्नो भनाई राखेपछि सिधा सवाल गर्न नदिएको भन्दै नेपाली काँग्रेसले संसद बैठक बहिस्कार गरेका थिए ।
यो पनि पढ्नुहोस :
सांसद निरु पालले संसदमा भनिन् “रेनकोट ओढेर लुकेकाले पेस्तोल ताके,छातीमा दाग अझै छ
काठमाडौँ । संसदीय सुनुवाई विशेष समितिकी सदस्य तथा नेकपाकी सांसद निरुदेवी पालमाथि भएको घटनाको छानबिन गर्न संसदमा सांसदहरुले माग गरेका छन् ।
मंगलबार साँझ मात्र समितिकी सदस्य निरु पाललाई छातीमा पेस्तोल तेस्र्याउँदै अज्ञात व्यक्तिले धम्की दिएको घटना सार्बजनिक भएसँगै बिहीबारको प्रतिनिधिसभाको बैठकमा सांसदहरु डा. डिला संग्रैला, अहतर मुसलमान, हृदेश त्रिपाठी लगायतले घटनाको छानबिन गर्न माग गरेका छन् ।
बैठकमा सांसद पालले मंगलबार बेलुका आफूमाथि अज्ञात समूहले पेस्तोल ताकेर धम्क्याएको जानकारी दिँदै घटनाको छानबिन गर्न माग गरिन् । उनले सुनुवाइ समितिको निर्णय प्रभावित पार्न घटना घटाउन खोजे पनि आफू विचलित नहुने बताइन् ।
आफू दूध किनेर घरभित्र पस्न लाग्दा गल्लीमा रेनकोट ओडेर लुकेर बसेका व्यक्तिले आफ्नो छातीमा पेस्तोल ताकेको सांसद पालले प्रतिनिधिसभामा बताइन् । उनले आफ्नो छातीमा पेस्तोलको कारण दाग लागेको उल्लेख गरिन् ।
सांसद पालले भनिन्मेरो खुट्टा अल्झाएर छातीमा पेस्तोल देखाइयो । अझै छातीमा दाग छ । यस्ता घटनाले डगमगाउदिन ।
प्रहरीले यस घटनाको अनुसन्धान थालेको जनाएको छ । प्रस्तावित प्रधानन्यायाधीश जोशीलाई अनुमोदन गर्ने वा नगर्ने विषयमा विवाद यथावतै रहेको छ ।
news24nepal
