कोरोना महामारीका विरुद्धको अभियानामा लागेका डक्टरहरुलाई डरधम्की र त्रासको वातावरण बन्द गर्न चिकित्सा संघर्ष समितिले गंभीर चेतावनी दिएको छ ।

समितिका संयोजक प्रकाश चन्द र प्रवक्ता नरेश भट्टले शुक्रबार संयुक्त विज्ञप्ति गरेर सरकारले स्वास्थ्यकर्मीहरुलाई प्रोत्साहन गर्नुपर्नेमा उल्टो डरधम्की दिएको भन्दैं त्यस्तो कदम रोक्त चेतावनी दिएका हुन् ।

चन्द र भट्टले जारी गरेको प्रेस विज्ञप्तिमा भनिएको छ-

‘चिकित्सा शिक्षा सङ्घर्ष समिति हिजोका दिनदेखि निकै छोटो अवधिमै चिकित्सा शिक्षामा आबद्ध साथीहरूको हकअधिकारका निम्ति साथै बिरामी जनताको सर्वसुलभ उपचारका निम्ति सङ्घर्षरत र माया पाएको सङ्गठन हो । चिकित्सा शिक्षामा आबद्ध हजारौँ साथीहरूको सङ्घर्षबाट जीवन पाएको हाम्रो गौरवशाली सङ्गठन सधैँभरि यस क्षेत्रमा भएको अनियमितता, भ्रष्टाचार, कालोबजारी, दलाली र गुण्डागर्दीको सशक्त प्रतिरोध र विरोध गर्दछ । देशमा कोरोनाले भयावह स्थिति लिँदै गर्दा सरकार स्वास्थ्य सामग्री खरिद भ्रष्टाचार, अग्रपङ्क्तिमा रहेका चिकित्सकहरूलाई अनावश्यक दुःख दिने, सुरक्षाका साधन र उपकरणको कालोबजारी र कमिसन बनाएर कृत्रिम अभाव उत्पन्न गर्ने, टेस्ट किटको व्यवस्था नगर्नेजस्ता घिनलाग्दा काममा लिप्त भएको छ ।’

विज्ञप्तिमा अगाडि भनिएको छ-

‘यी सबै किसिमको रबैयाबाट के प्रस्ट हुन्छ भने नेपालमा कोरोनाको वृद्धिदर सरकारको पहलकदमीका कारणले होइन, यो त खोजकर्ताहरूले भनेजस्तो तापक्रम बढ्दै जाँदा त्यस किसिमको गुणात्मक वृद्धिदर पकड्न सकिरहेको छैन । तर यो प्राकृतिक न्यूनीकरण सकिएलगत्तै सरकारको यही रबैया कायम हुने हो भने निकै भयावह स्थिति पैदा हुने निश्चित छ । त्यसकारण हामी सरकारलाई अपिल गर्न चाहन्छौँ– यी सबै किसिमका घिनलाग्दा काम छाडेर जतिसक्दो चाँडो कोरोना रोकथाममा सक्रिय सहभागी बनौँ । देशको यो परिस्थितिमा सरकारले डाक्टर, नर्स, अन्य पारामेडिक्स, बुद्धिजीवी र युवाहरूको विभिन्न समूह बनाएर देशव्यापी गाउँगाउँमा कोरोनाविरुद्ध ठोस योजना र कार्यक्रम लिएर आओस् । हामी सरकारसँग सहकार्य गरी अगाडि बढ्न र जनतालाई यो कठिन परिस्थितिमा सहयोग र सेवा दिन तयार छौँ ।’

विज्ञप्तिमा अगाडि भनिएको छ, ‘चितवन मेडिकल कलेजमा अध्ययनरत सङ्घर्ष समितिका साथीहरूले त्यस अस्पतालमा कार्यरत डाक्टर, नर्स र अन्य मजदुरहरूलाई ७० थान एन ९५ मास्क र ग्लोब्स वितरण गरी सहयोग गर्नुभएकोमा उहाँहरूप्रति सम्मान व्यक्त गर्दै थप अन्य स्वास्थ्य शिविर तथा स्वास्थ्य सामग्री वितरणका कार्यक्रम सञ्चालन गरी जनतालाई सहयोग गर्न पनि अपिल गर्दछौँ ।’

विज्ञप्तिको पूर्णपाठ…