भारतमा सरकारी सुरक्षाकर्मी र माओवादी विद्रोहीबीच भएको पछिल्लो भिडन्तमा ५ सरकारी सैनिकको मृत्यु भएको छ ।

अप्रिल ४ तारिखमा छत्तिसगढ राज्यको बस्तर र कङ्कड क्षेत्रको बीचमा पर्ने महलामा माओवादी छापामार सेनाले थापेको एम्बुसमा परेर अर्धसैनिक दस्ता बोर्डर सेक्युरिटी फोर्स  ११४ औँ बटालियनका असइसहित ४ जनाको मृत्यु भएको र अन्य ४ जना मरणासन्न अवस्थामा रहेको कुरा भारतीय सञ्चार माध्यमहरूले जनाएका छन् ।

एम्बुसमा गाडी परेपछि दुवैतिरबाट  भएको गोली हानाहानमा उनीहरूको मृत्यु भएको कुरा पनि समाचारमा जनाइएको छ ।

छातिसगढ़ राज्यको बस्तर जिल्लामा ११ अप्रिलमा र कङ्कडमा १८ अप्रिलमा लोकसभाको चुनावको मिति तय गरिएको छ ।