बुधबार, माघ २१, २०८२
नेपाल राष्ट्र बैंकले आज बजारबाट २० अर्ब रुपैयाँ तरलता तान्ने भएको छ । खासगरी बैंक तथा वित्तीय संस्थाहरुमा निक्षेप बढ्दै जाने तर अपेक्षित रुपमा कर्जा लगानी हुँन नसक्दा केन्द्रीय बैंकले निक्षेप संकल उपकरणमार्फत तरलता तान्ने भएको हो ।
केन्द्रीय बैंकले बुधबार निक्षेप संकल उपकरणमार्फत ६३ दिनका लागि २० अर्ब रुपैयाँ तरलता प्रशोचन गर्ने भएको छ । इच्छुक बैंक तथा वित्तीय संस्थाहरुले आज दिउसो २ बजेसम्म अनलाइन आवेदन दिन सक्नेछन् ।
राष्ट्र बैंकको पछिल्लो तथ्यांक अनुसार हाल बैंक तथा वित्तीय संस्थाहरुमा ७६ खर्ब ९६ अर्ब रुपैयाँ निक्षेप रहेको छ । तर, यता कर्जा लगानी भने ५७ खर्ब ७९ अर्ब रुपैयाँ हाराहारी मात्र हुन सकेको छ । समीक्षा अवधिमा जम्मा ७४.३२ प्रतिशत मात्र सीडी रेसियो (कर्जा/निक्षेप अनुपात) कायम गरेका बैंकहरुसँग १२ खर्बमाथि लगानीयोग्य पुँजी रहेको छ ।
तर कर्जाको माग कम हुँदा लगानी हुन सकिरहेको छैन । जसको दबाबमा यतिबेला बैंक तथा वित्तीय संस्थाहरुसँगै केन्द्रीय बैंकमा समेत परेको छ । बैंकहरुको अधिक तरलता व्यवस्थापनमा रिभर्स रिपो अर्थात् निक्षेप संकलन उपकरणमार्फत निरन्तर तरलता प्रशोचन गरिहेको छ ।
Our Team
Chairman / Editor-in-chief: Sudarshan Mangol
Managing Dirtector: Debiram Thapa (Shramik)
Contact Us
janapati Media Pvt.
Bagbazzar Kathmandu
Contacts : 9851340431, 9851012374
© 2016 janapati Media PVT. LTD. All right Reserved | Site by : Sobiztrend
