रूपन्देही । नवलपरासी क्षेत्र नम्बर १ का ६ जना नेपाली कांग्रेसका प्रभावशाली नेताले पार्टी परित्याग गरेका छन् ।
पश्चिम नवलपरासी क्षेत्र नम्बर १ स्थित जिल्ला सदस्य ध्रुबराज जमरकट्टेल, बर्दघाट नगर सभापति दामोदर जिसी, प्रदेश सभा क्षेत्र नम्बर १ क का सचिव भवानी शङ्कर भट्टराई र प्रतिनिधि सभा क्षेत्र नम्बर १ का सचिव बालिन्द्र बिक्रम शाही, बर्दघाट नगर सहसचिव हरिप्रसाद अधिकारी र नेपाली कांग्रेस क्षेत्र १ क का क्षेत्रीय कार्यसमिति सदस्य सुधिर पौडेलले पार्टी परित्याग गरेको घोषणा गरेका हुन् ।
६ जनाले छुटाछुटै विज्ञप्तिमार्फत कांग्रेस पार्टीको हालसम्मको जिम्मेवारीमा नरहने घोषणा गरेका छन् । स्थानीयको कार्यकर्ताको माग पार्टीले सम्बोधन नगरेको गुनासो उनीहरूको छ । नेतृत्वले कार्यकर्ताको भावनाविपरीत काम गरेका कारण पार्टीमा रहन नसकिएका कारण काङ्ग्रेस परित्याग गरेको दामोदर जिसीले बताए ।
क्षेत्र नम्बर १ का सचिव शाहीले पनि यस्तै आरोप लगाएका छन् ।
